Ajay Kandewar,Wani:- केंद्रीय शिक्षण मंडळाने (CBSE )दहावीचा निकाल ऑनलाईन जाहीर केला. वणी शहरातील ‘मॅकरून स्टुडंट्स अकॅडमी शाळेने’ यशस्वी परंपरा कायम ठेवली आहे. या परीक्षेत शाळेतील एकूण 56 विद्यार्थी बसले होते.त्यात यश्वी बत्रा’ हिने दहावीत 96% टक्के गुण प्राप्त करत अव्वल येण्याचा मान पटकावला. नुकताच केंद्रीय शिक्षण मंडळाने (CBSE ) दि.15 एप्रिल रोजी दहावीचा ऑनलाईन निकाल जाहीर केला.
यामध्ये शहरातील नेहमीच शिक्षणक्षेत्रात अव्वल मानलें जाणारी सुप्रसिद्ध मॅकरून स्टुडंट्स अकॅडमी या शाळेचा विद्यार्थ्यांनी घवघवीत यश संपादन केले आहे.संबंधित परिस्थिती लक्षात घेऊन सी.बी.एस ई. नी आखुन दिलेल्या नियमानुसार मॅकरुन स्टुडन्टस अकॅडमी शाळेच्या विद्यार्थ्यांनी आपली दरवर्षी ची 100% निकालाची परंपरा कायम ठेवित अतुल्य यश मिळवून विद्यार्थ्यांनी शाळेच्या व आपल्या पालकांच्या सन्मानात मोलाची भर घातली आहे. यामध्ये प्रथम
यंदाच्या निकालात यश्वी बत्रा हिने 96% गुण मिळवत प्रथम क्रमांक पटकावला,अक्षद शेंडे याने 95% गुणांसह द्वितीय स्थान मिळवले तसेच इतर गुणवंत विद्यार्थ्यांमध्ये जान्हवी पुंड – 91%,अमन डांगे – 91%, सई आवारी – 90%,नैतिक गोवारकर – 88%आर्यन चौधरी – 85%या सर्व विद्यार्थ्यांनी घवघवीत यश मिळवत शाळेची परंपरा कायम राखली आहे.मॅकरुन स्टुडंन्टस अकॅडमीच्या शाळेतील विद्यार्थ्यांच्या या यशाने त्यांचे सर्व स्तरातून कौतुक होत आहे. या यशाचे श्रेय शाळेचे संचालक पी.एस.आंबटकर, उपसंचालक पियूष आंबटकर यांनी सर्व यशस्वी विद्यार्थ्यांचे अभिनंदन केले व त्यांच्या उज्वल भविष्याकरिता शुभेच्छा दिल्या.
