Ajay,Wani : नवरात्रोत्सवातील घटस्थापनेच्या मंगलदिनी पार पडलेल्या यवतमाळ जिल्हा मध्यवर्ती सहकारी बँकेच्या संचालक निवडणुकीत मारेगाव तालुक्यातून अधिकृत उमेदवार किरणताई संजय देरकर यांनी विजय मिळवत नारीशक्तीचा आवाज बुलंद केला. मतमोजणीच्या दुसऱ्या दिवशी जाहीर झालेल्या निकालात त्यांना १३ मते मिळाली, तर ३ मते अवैध ठरली. अशा प्रकारे त्यांच्या बाजूने एकूण १६ मतांची नोंद झाली. नवरात्राच्या पवित्र पर्वात मिळालेल्या या विजयामुळे मारेगाव तालुक्यातील सहकार क्षेत्रात महिला नेतृत्वाची चर्चा रंगली असून, किरणताई देरकर यांच्या विजयाकडे नारीशक्तीच्या प्रतिनिधित्वाच्या दृष्टीने पाहिले जात आहे.
जिल्हा बँकेच्या संचालक निवडणुकीत महायुतीच्या अनेक उमेदवारांनी विजय मिळवल्याने बँकेतील आगामी राजकीय समीकरणांबाबत उत्सुकता निर्माण झाली आहे. उमरखेड येथील ईश्वरचिठ्ठी यांच्या भूमिकेकडेही राजकीय वर्तुळाचे लक्ष लागले आहे. या पार्श्वभूमीवर किरणताई संजय देरकर यांचा मारेगावमधील विजय विशेष चर्चेचा विषय ठरला आहे. घटस्थापनेच्या शुभमुहूर्तावर सुरू झालेल्या या निवडणूक पर्वानंतर दुसऱ्या दिवशी मतमोजणीत विजयाची मोहोर उमटल्याने, “नवरात्रात नारीशक्तीचा सन्मान, किरणताई देरकर यांच्या विजयाने मारेगावात नवा मान!” अशी भावना त्यांच्या समर्थकांमधून व्यक्त होत आहे.
