Ajay Kandewar,Wani :- सायबर फसवणुकीच्या घटनांमध्ये मोठी वाढ होत असून, फसव्या कॉल्सद्वारे नागरिकांना आर्थिक नुकसानाचा सामना करावा लागत आहे. विशेषतः 140 या क्रमांकाने सुरू होणाऱ्या अनोळखी कॉल्स उचलल्यास बँक खात्यातील रक्कम गमावण्याचा धोका आहे, अशी महत्त्वपूर्ण सूचना वणी पोलिसांकडून देण्यात आली आहे. नागरिकांनी सावध राहून अशा कॉल्सला प्रतिसाद न देण्याचे आवाहन वणी पोलीस स्टेशनचे ठाणेदार पी.आय अनिल बेहरानी केले आहे.
•सायबर फसवणुकीचे धोके…..
1. फसव्या लिंकद्वारे फसवणूकः डिजिटल गुन्हेगार नागरिकांच्या मोबाइलवर ऑफर किंवा प्रलोभन दाखवणाऱ्या लिंक्स पाठवतात. या लिंक्सवर क्लिक केल्यास बँक खाते किंवा वैयक्तिक माहिती चोरी होऊ शकते.
2. ओटीपी फसवणूकः कॉलद्वारे ओटीपी मागून बँक खात्यातील रक्कम लाटली जाते.
3. शेअर मार्केटद्वारे गंडाः गुंतवणुकीचे आमिष दाखवून पैसे उकळण्याचे प्रकार घडत आहेत.
•गुन्हेगारीची आकडेवारी...
पोलिस ठाण्यात वर्ष 2024-25 दरम्यान अनेक सायबर गुन्ह्यांच्या तक्रारी दाखल झाल्या आहेत. या तक्रारींमध्ये प्रामुख्याने डिजिटल फसवणूक, बँक खात्यावरील आघात, शेअर बाजारातील फसवणूक अशा प्रकारांचा समावेश आहे.
•वणी पोलिसांचा इशारा….
अनुचित कॉल्सपासून दूर राहा: 140….. या क्रमांकाने सुरू होणाऱ्या अनोळखी कॉल्स उचलू नका.वैयक्तिक माहिती गोपनीय ठेवाः कोणत्याही परिस्थितीत बँक संबंधित माहिती, ओटीपी, आधार क्रमांक अशा संवेदनशील माहितीची देवाणघेवाण करू नका आणि वेळीच सावध व्हा अशा घटना घडल्यास तातडीने वणी पोलिस ठाण्याशी संपर्क साधा.
•वणी पोलीस स्टेशनचें ठाणेदार पोलिस निरीक्षक अनिल बेहरानी यांचे आवाहन….
“वणी पोलिस ठाण्याचे निरीक्षक अनिल बेहरानी यांनी सांगितले, “सायबर फसवणुकीच्या घटनांमध्ये वाढ होत आहे. नागरिकांनी कोणत्याही अनोळखी कॉल्सला प्रतिसाद देण्यापूर्वी त्यांची खात्री करावी. आपल्या वैयक्तिक माहितीची गोपनीयता राखावी. फसवणुकीचे प्रकार टाळण्यासाठी वणी पोलिस यंत्रणेशी वेळीच संपर्क साधणे महत्त्वाचे आहे.”
•वणी पोलिसांची सावधानतेसाठी जनजागृती मोहिम…
वणी पोलिसांकडून जनतेला या धोक्यांविषयी जागृत करण्यासाठी जनजागृती मोहिम हाती घेण्यात आली आहे.डायलर टोनद्वारे सूचनाः अनोळखी नंबर उचलू नका, असा संदेश डायलर टोनद्वारे देण्यात येत आहे.सोशल मीडियाद्वारे जागृतीः नागरिकांना सोशल मीडियाच्या माध्यमातून सावध राहण्याचे आवाहन करण्यात येत आहे.
•आर्थिक नुकसान टाळण्यासाठी उपाय…..
1. अनोळखी लिंकवर क्लिक करू नका.2. मोबाइल क्रमांकाची खात्री न करता कॉल उचलू नका.3. आर्थिक फसवणूक झाल्यास तातडीने वणी पोलिस ठाण्यात संपर्क साधा.सायबर फसवणुकीबाबत मदतीसाठी वणी पोलिस ठाण्याशी त्वरित संपर्क साधा- 9594452100.
