Ajay Kandewar,Wani:- झरी नगरपंचायतीच्या राजकारणात मोठा भूचाल घडला. शिवसेना (उबाठा) तर्फे 2022 मध्ये सर्वसाधारण महिलांमध्ये बिनविरोध निवडून आलेल्या नगराध्यक्ष ज्योती बिजगुनवार यांना अखेर पदाचा राजीनामा द्यावा लागला आहे. शहर विकासाकडे दुर्लक्ष, मनमानी कारभार आणि संवादाअभावी निर्माण झालेल्या नाराजीचे शेवटी रूपांतर अविश्वास प्रस्तावात झाले.
17 पैकी तब्बल 13 नगरसेवकांनी ठणकावत आपला अविश्वास नोंदवला आणि विशेष बैठकीत हा प्रस्ताव बहुमताने मंजूर करण्यात आला. प्रस्तावावरील चर्चा संपताच नगरपंचायत कार्यालयाबाहेर नागरिक आणि काही नगरसेवकांकडून जल्लोष करण्यात आला.
•शिंदे गटाची चलती — नवीन नगराध्यक्ष कोण?
ज्योती बिजगुनवार यांच्यावरील पायउतारीनंतर झरीचे राजकारण पुन्हा नव्या समीकरणांनी भरू लागले आहे. पुढील नगराध्यक्ष कोण होणार? या प्रश्नावर सर्वांच्या नजरा खिळल्या आहेत. आतापर्यंतच्या चर्चेनुसार शिंदे गटाचा “काढा” लागू शकतो, अशी राजकीय वर्तुळातील जोरदार चर्चा आहे. शिंदे गटाचे वजन वाढत असल्याचे स्पष्टपणे दिसून येत असून पुढील नगराध्यक्ष हाच गट देऊ शकतो, याकडे सर्वत्र उत्सुकता आहे.झरी नगरपंचायतीतील ही उलथापालथ आगामी राजकारणाला नवी दिशा देणारी ठरू शकते.पुढील काही दिवसांत झरीच्या राजकीय पटावर आणखी मोठी हालचाल होण्याची चिन्हे दिसत आहेत…
