Ajay Kandewar, Wani:- वणी नगरपरिषद निवडणुकीत महाविकास आघाडीने घेतलेल्या संयुक्त मोहिमेला प्रभागाप्रभागातून अभूतपूर्व प्रतिसाद मिळताना दिसत आहे. आघाडीच्या अधिकृत नगराध्यक्ष पदाच्या उमेदवार डॉ. संचिता विजय नगराळे यांच्या प्रचारसभांना आणि संपर्क मोहिमांना मिळणारा उत्स्फूर्त प्रतिसाद पाहता आघाडीने शहरात दमदार पकड निर्माण केली असल्याचे स्पष्ट संकेत विविध प्रभागांतून दिसू लागले आहेत.
महाविकास आघाडीचे नेतृत्व करणारे वणी विधानसभा मतदारसंघाचे आमदार संजय देरकर यांच्या मार्गदर्शनाखाली उबाठा, काँग्रेस, मनसे आणि मित्रपक्षांनी एकत्रितपणे सुरू केलेली जनजागृती मोहीम नागरिकांपर्यंत थेट पोहोचत असल्याचे चित्र स्पष्टपणे जाणवत आहे.प्रभागनिहाय घेतलेल्या दौऱ्यात कार्यकर्त्यांचा उत्साह अक्षरशः ओसंडून वाहत आहे. घराघरात जाऊन संपर्क साधताना Dr. नगराळे व सोबतच्या नगरसेवक-नगरसेविका उमेदवारांना मिळणारा जनतेचा भरभरून प्रतिसाद आघाडीच्या झेंड्याला आणखी बळ देणारा ठरत आहे.
निवडणूक चुरशीची होणार हे निश्चित असले तरी प्रभागातून मिळणाऱ्या जनसमर्थनामुळे आघाडीचे कार्यकर्ते आणि पदाधिकारी अधिक जोमाने मैदानात उतरले आहेत. संपर्कसभांमध्ये झालेली प्रचंड गर्दी, नागरिकांचे सकारात्मक प्रतिसाद, तसेच आमदार संजय देरकर यांच्या नेतृत्वातील नियोजनबद्ध प्रचारामुळे आघाडीची लाट अधिक दृढ होत असल्याचे राजकीय वर्तुळातील जाणकारांचे म्हणणे आहे.यामुळे Dr. संचिता नगराळे यांच्या नावाला शहरात मोठा बोलबाला निर्माण झाला असून, महाविकास आघाडी वणी नगरपरिषद निवडणुकीत प्रभावी विजयाकडे वाटचाल करत असल्याचे चित्र दिसत आहे.
