Ajay kandewar,Wani:- भाजपाच्या युवा मोर्चाच्या नव्या पदाधिकाऱ्यांची निवड ही केवळ संघटनात्मक हालचाल नाही, तर पक्षाच्या राजकीय बळकटीसाठीचा महत्त्वाचा टप्पा आहे. वणीतील संदीप बेसरकर, प्रज्वल ठेंगणे, पार्थ त्रिवेदी, अक्षय लोढे व शुभम इंगळे पाच कार्यकर्त्यांची मोठ्या पदावर निवड होऊन वरिष्ठ नेत्यांनी त्यांच्यावर दाखवलेला विश्वास ही केवळ जबाबदारी नसून, नव्या नेतृत्वाला घडविण्याची संधी आहे.
माजी आमदार व वणी विधानसभा प्रमुख संजीवरेड्डी बोदकुरवार ,भाजप जिल्हा उपाध्यक्ष रवि बेलुरकर, ॲड.कुणाल चोरडिया व मंडळ अध्यक्ष यांच्या प्रयत्नांनी युवा मोर्चा नव्या उमेदीने आणि योजनाबद्धतेने काम करणार असल्याचे स्पष्ट झाले आहे. यावेळी पक्षाने केवळ गाजावाज्याला बळी न पडता, खंबीरपणे काम करणाऱ्या कार्यकर्त्यांनाच संधी दिली आहे. त्यामुळे या निवडींना संघटनेत विशेष मान्यता मिळालेली आहे.आगामी निवडणुकीच्या पार्श्वभूमीवर युवकांची फळी भक्कम करणे हे भाजपासाठी निर्णायक ठरणार आहे. मतदारांशी थेट संपर्क, सोशल मीडियाचा वापर, जनतेच्या समस्या अधोरेखित करणे आणि पक्षाच्या धोरणांचा प्रचार करणे या सर्व बाबींमध्ये युवा मोर्चा अग्रभागी असतो. त्यामुळे आज झालेल्या या निवडी म्हणजे उद्याच्या विजयाची बीजे आहेत, असे म्हणणे वावगे ठरणार नाही.भाजपाच्या गोटात निर्माण झालेलं आनंदाचं वातावरण ही फक्त भावनिक प्रतिक्रिया नाही, तर संघटनेच्या बळकटीची झलक आहे. युवा मोर्चाच्या माध्यमातून अनेक कार्यकर्त्यांना राजकारणात पुढे जाण्याची संधी मिळत असून, याच नव्या उमेदीमुळे भाजपाची ताकद वाढत आहे.एकंदरीत, युवा मोर्चाच्या पदाधिकाऱ्यांची निवड हा भाजपासाठी ‘राजकीय पूंजी’ ठरला आहे. ही केवळ संघटनात्मक हालचाल नसून, आगामी काळात भाजपाला विजयाच्या दिशेने नेणारे पाऊल आहे.
