•14 लाख 86 हजार रुपयांचा मुद्देमाल जप्त.
•नेमका तो माल “त्या “तिघांचा ? अशी चर्चा.
अजय कंडेवार,वणी:–दुधाचा व्हॅनमधून प्रतिबंधित सुगंधित तंबाखूची तस्करी करणाऱ्या रॅकेटचा वणी पोलिसांनी भंडाफोड केला. नागपुरातून येणाऱ्या व्हॅनमधून हा माल आणण्यात येत होता. मोठ्या प्रमाणात सुगंधित तंबाखूची नागपुरात तस्करी होते. वणीतून तो माल इतर खेडेभागात पाठविण्यात येतो. त्यावरून एका व्हॅनमधून तंबाखू येणार असल्याची वणी डी.बी पोलीस पथकाला माहिती मिळाली. त्यावरून नागपुरातून तंबाखूची तस्करी होत असल्याबाबत वणी पोलिसांना मिळालेल्या माहितीच्या आधारे डीबी पथकाने रविवारी सकाळी गाडगे बाबा चौकात टाटा 407 क्रमांक MH -31 CQ -8815 या वाहनाची झडती घेतली. झडती दरम्यान, पोलिसांना व्हॅनमध्ये दुधाच्या डब्यांच्या मागे लपवून ठेवलेले सुगंधित तंबाखूने भरलेले बॉक्स सापडले.
पोलिसांनी चालक व त्याच्या साथीदाराला ताब्यात घेऊन वाहन पोलीस ठाण्यात उभे केले. संबधित प्रकरण अन्न विभागाशी संबंधित असल्याने पोलिसांनी यवतमाळच्या अन्न व औषध प्रशासनाच्या अधिकाऱ्यांना पुढील कारवाईसाठी कळवले आहे. याप्रकरणी पोलिसांनी आरोपी चालक सागर चौधरी (वय 26, रा. कोहमारा, जि.) याला अटक केली. गोंदियाचा रहिवासी आणि प्रणय राजेश सावरकर (वय 41) रा. सद्भावना नगर, नागपूर येथील रहिवासी याला अटक करण्यात आली असून सुमारे 4 लाख 86 हजार 200 रुपये किमतीच्या मजेदार सुगंधित तंबाखूच्या 520 पेट्या व वाहनासह 14 लाख 86 हजार रुपयांचा माल जप्त करण्यात आला आहे. अन्न सुरक्षा अधिकारी पी.दंडे यांच्या तक्रारीवरून पोलिसांनी दोन्ही आरोपींविरुद्ध भादंवि कलम १८८, २७२, २७३, ३२८, ३४ आणि अन्न सुरक्षा मानक अधिनियम २००६ कलम ५९ अन्वये गुन्हा दाखल केला आहे.
सदर कारवाई Dysp गणेश किंद्रे यांच्या मार्गदर्शनाखाली P.I अनिल बेहराणी, API माधव शिंदे, ASI सुदर्शन वानोळे, विशाल गेडाम, शेख वसीम,पंकज उंबरकर,गजानन कुळमेथे व श्याम राठोड यांनी पार पाडली.
