Ajay Kandewar,Wani:- वणी पोलीस स्टेशनच्या अधिनस्त दारुबंदीच्या 56 गुन्ह्यातील देशी विदेशी दारु न्यायालयाच्या आदेशाने नष्ठ करण्यात आली. प्रथम वर्ग न्यायदंडाधिकारी, वणी यांनी उत्पादन शुल्क विभाग यांचे समक्ष नष्ट करणे बाबत परवानगी दिली होती. त्यानुसार दि. 10 सोमवार फेब्रुवारी 4 लाख 13 हजार रु दारू बॉटल वर “रोड रोलर” फिरवण्यात आला. Under Wani Police Station, the domestic and foreign liquor in 56 cases of liquor ban was destroyed by the order of the court.
या प्रकरणी न्यायालयाने दिलेल्या आदेशानंतर वणी पोलीस ठाण्याचे ठाणेदार P.I गोपाल उंबरकर यांनी पोलीस अधीक्षक राज्य उत्पादन शुल्क विभाग यांचे सोबत पत्र व्यवहार केला. सदर गुन्ह्यातील दारु नाश करून खाली बॉटल लिलाव करावी व रोख रक्कम चलनाद्वारे राज्य उत्पादन शुल्क विभाग यांच्या सरकारी खात्यात जमा करण्याच्या सूचना दिल्या होत्या. त्यावरून वणी पोलिसांनी राज्य उत्पादन शुल्क विभागाचे अधिकारी व दोन पंच यांचे समक्ष रीतसर पंचनामा करून 56 गुन्ह्यातील एकूण 4 लाख 13 हजार रु देशी-विदेशी दारुच्या काचेच्या बॉटल मधील दारु नाश केली.
सदरची कारवाई जिल्हा पोलीस अधीक्षक डॉ. कुमार चिंता, अप्पर पोलीस अधिक्षक पियूष जगताप तसेच वणी SDPO गणेश किंद्रे यांच्या मार्गदर्शनात करण्यात आली आहे. याप्रसंगी राज्य उत्पादन शुल्क विभागाचे दुय्यम निरिक्षक संजय बोढेवार, महीला शिवरकर आणि दोन पंचासमक्ष घनकचरा व्यवस्थापन केंद्र भालर रोड, वणी येथे दारु नष्ट करण्यात आली.
